Հարգելի բարեկամ
"Էներգետիկայի գիտահետազոտական ինստիտուտ" ՓԲ ընկերությունը (ԷԳՀԻ) ողջունում է Ձեր մուտքը իր նորացված ինտերնետային կայք: Այստեղ դուք կարող եք ծանոթանալ Ընկերության ստեղծման և կայացման պատմությանը, կառուցվածքին, կանոնադրությանը, նրա գործունեության ոլորտներին, կատարված աշխատանքներին, ֆինանսական հաշվետվություններին:
ԷԳՀԻ աշխատակազմը համալրված է բարձրակարգ մասնագետներով, ովքեր իրենց նշանակալի ներդրումն ունեն էներգետիկ տարբեր ոլորտներում՝ նպատակ հետապնդելով էլ ավելի հզորացնելու ՀՀ էներգետիկ համակարգը և բարձրացնելու վերջինիս հուսալիությունը և անվտանգությունը:
ԷԳՀԻ-ն իր 70-ամյա գործունեությամբ օժանդակել և օժանդակում է Հայաստանի Հանրապետության էներգահամակարգում առկա բարեփոխումների իրականացման ծրագրերին, որոնք ուղղված են երկրի էներգետիկ անկախության և անվտանգության ռազմավարական ծրագրերի իրականացմանը, այդ թվում՝ Էներգահամակարգի հզորությունների ավելացման, դրա հուսալի և անվտանգ շահագործման, վերազինման, էներգիայի վերականգնվող աղբյուրների ներդրման հետազոտական աշխատանքների և գիտատեխնիկական ուղեկցմանը:
ԷՆԵՐԳԵՏԻԿԱՅԻ ԳԻՏԱՀԵՏԱԶՈՏԱԿԱՆ ԻՆՍՏԻՏՈՒՏ ՓԲԸ-Ի ԳՈՐԾՈՒՆԵՈՒԹՅԱՆ ՈՒՂՂՈՒԹՅՈՒՆՆԵՐԸ
Էներգետիկ համակարգի զարգացման կանխատեսում
- Հայաստանի Հանրապետության էլեկտրաէներգիայի վերաբերյալ վիճակագրական տեղեկատվության վերլուծություն և ՀՀ վառելիքաէներգետիկ համակարգի զարգացման ռազմավարությունների մշակում,
- Էներգետիկ հզորությունների զարգացման տարբերակների (սցենարների) մշակում
- Էներգետիկ օբյեկտների գործարար ծրագրերի մշակում,
Էներգահամակարգի կառավարում
- Էլեկտրաէներգետիկական համակարգերի հուսալիության և անվտանգության բարձրացման միջոցառումների մշակում,
- Էներգահամակարգերի հաշվապահական հաշվառման և տեխնոլոգիական խնդիրների համատեղման խնդիրների գիտատեխնիկական ուղեկցում
- Էներգետիկ համակարգի ընկերությունների հիմնական միջոցների վերագնահատում
Լիցենզավորված գործունեություն
- Քաղաքաշինական փաստաթղթերի մշակում և փորձաքննություն
Էլեկտրական ցանցերում կայունացված ռեժիմներ
- Տարածաշրջանի երկրների էներգահամակարգերի տեխնիկատնտեսական իրավիճակի և փոխհոսքերի իրականացման հնարավորությունների վերլուծություն և առաջարկների ներկայացում
- Կայունացված ռեժիմների մոդելավորում, մուտքային տվյալների հավաստիության վերլուծություն, հաշվարկների իրականացում
- Էլեկտրական ցանցերում էներգախնայողության միջոցառումների առաջարկությունների մշակում
- Էլեկտրական կայաններում, ինչպես նաև 35-220 կՎ ենթակայաններում սեփական և տնտեսական կարիքների ծախսի նորմավորում
- Էլեկտրական ցանցերի ռեժիմների հաշվարկներ և լավարկում
- ՀՀ էլեկտրական ցանցերում տարանցիկ փոխհոսքերի (Վրաստան, Իրան և այլն) կորուստների մասնաբաժինների գնահատում
Էներգախնայողություն, էներգաարդյունավետություն և այլընտրանքային էներգետիկա
- Ամենամյա էներգետիկ հաշվեկշիռների կազմում
- Էներգատնտեսությունների էներգետիկ փորձաքննություն (աուդիտ) և անձնագրավորում
- Վերջնական սպառողների համար էներգախնայողության և/կամ էներգաարդյունավետության բարձրացման միջոցառումների մշակում
- Բարձր, միջին և ցածր ճնշման գազատրանսպորտային ցանցերում հիդրավլիկական ռեժիմների, կորուստների և հաշվեկշիռների հաշվարկ և վերլուծություն
- Էներգիայի այլընտրանքային աղբյուրների արդյունավետ կիրառման վերաբերյալ խորհրդատվություն
Էներգետիկ համակարգի շահագործման ռեժիմներ
- Էներգետիկ համակարգում անցումային ռեժիմների մոդելավորում, հաշվարկների իրականացում և արդյունքների վերլուծություն
- Կայունության ապահովման և հուսալիության բարձրացման միջոցառումների մշակում
- Բաշխման ցանցում ոչ սիմետրիկ վրդովմունքների (կարճ միակցումներ, խզումներ, ոչ սիմետրիկ բեռների առկայություն) դեպքում անցումային պրոցեսների մոդելավորում և ծրագրավորում
- Միջհամակարգային կապերի հետազոտում։
Ստանդարտներ և նորմեր
- Էներգետիկ ոլորտի համար օրենսդրական դրույթների մշակում
- Նորմատիվատեխնիկական փաստաթղթերի և ստանդարտների մշակում և/կամ ներդաշնակեցում
- Էլեկտրաէներգետիկական համակարգի կազմակերպությունների և էներգասպառող կազմակերպությունների էլեկտրաէներգետիկական և էլեկտրատեխնիկական (էլեկտրատեխնոլոգիական) աշխատակազմերի համար պաշտոնեական և տեխնիկական հրահանգների մշակում:
Կադրերի պատրաստում
- Գիտական կադրերի պատրաստում ասպիրանտուրայի միջոցով
- Էլեկտրաէներգետիկական անձնակազմի վերապատրաստում և որակավորում
- Ընկերությունների էներգահամակարգի կառավարման դասընթացների կազմակերպում և որակավորում
- Էլեկտրատեխնիկական անձնակազմի համար անվտանգության դասընթացների անցկացում, գիտելիքների ստուգում և կարգի շնորհում