Ռուբեն Կարենի Եղոյան
«Էներգետիկայի գիտահետազոտական ինստիտուտ» ՓԲԸ
Գլխավոր տնօրեն
ԱՊՀ վաստակավոր էներգետիկ
Ծննդյան թիվ՝ 5 մայիսի, 1974թ.
Ազգությունը՝ հայ
Մասնագիտությունը՝ ինժեներ - էլեկտրամեխանիկ
Ընտանեկան դրությունը՝ ամուսնացած, 2 դուստր
Կուսակցական պատկանելությունը - անկուսակցական
Ռուբեն Կարենի Եղոյանը 20 տարի է` 1997 թվականից մինչ օրս աշխատում է ՀՀ էներգետիկ ենթակառուցվածքների և բնական պաշարների նախարարության «Էներգետիկայի գիտահետազոտական ինստիտուտ» ՓԲԸ-ում: Նա իր աշխատանքային գործունեությունն սկսել է Էներգախնայողության լաբորատորիայում առաջատար ճարտարագետի պաշտոնից, այնուհետև՝ կրտսեր գիտ.աշխատող, հաշվարկային խմբի ղեկավար, Էլեկտրամատակարարման համակարգերի բաժնի վարիչ, իսկ 2017 թվականի փետրվարից ՝ «Էներգետիկայի գիտահետազոտական ինստիտուտ» ՓԲԸ-ի գլխավոր տնօրեն:
Ռ.Կ.Եղոյանի գործունեության արդյունքներն ամփոփվել են հետևյալ աշխատություններում.
30 գիտական հոդվածների հեղինակ,
1 ուսումնական ձեռնարկի համահեղինակ,
1 օգտակար մոդելի հեղինակության վկայական:
Նա հանդես է եկել մի քանի տասնյակ սեմինարներում և գիտաժողովներում՝ զեկուցումների տեսքով:
Կոչումներ, շնորհակալագրեր, պատվոգրեր.
ԱՊՀ վաստակավոր էներգետիկի կոչում, 2016թ.
ՀՀ Էներգետիկայի և բնական պաշարների նախարարի պատվոգիր, 2015թ.
ՀՀ Էներգետիկայի և բնական պաշարների նախարարի շնորհակալագիր, 2014թ
ՀՀ Էներգետիկայի և բնական պաշարների նախարարի պատվոգիր, 2013թ.
ՀՀ Էներգետիկայի նախարարության «Կենտրոնական Էլեկտրացանց» ՊՓԲԸ գլխավոր տնօրենի շնորհակալագիր՝ նյութական պատասխանատուի ինստիտուտի ներդրման աշխատանքների համար, 1999թ.
Աշխատանքային փորձառության ընթացքում որպես պատասխանատու կատարող մասնակցել է.
«Էներգետիկայի գիտահետազոտական ինստիտուտ» ՓԲԸ-ի Ասպիրանտուրայի և կադրերի վերապատրաստման ու որակավորման բարձրացման բաժնում իրականացվող «Էներգետիկ անձնակազմի որակավորման» դասընթացներին որպես դասախոս՝ «Էլեկտրաէներգիայի կորուստների հաշվարկը և էներգախնայողության միջոցառումները 0.38-110 կՎ էլեկտրական ցանցերում» թեմայով,
«Արցախէներգո» ՓԲԸ-ի հիմնական արտադրական միջոցների տեխնիկական վիճակի զննում և ներդրումային ծրագրի մշակում թեմայով կատարվող աշխատանքներին,
«Հայաստանի էլեկտրական ցանցեր» ՓԲԸ-ի հիմնական միջոցների և այլ ոչ ընթացիկ նյութական ակտիվների գույքագրման գործընթացի, մեթոդական փաստաթղթերի մշակման և տեխնիկական զննման աշխատանքներին,
ՏԱՍԻՍ (ԵՍ) ծրագրով իրականացվող ՌԴ Աստրախան քաղաքի էներգախնայողության ծրագրի մշակման աշխատանքներին,
ԱՄՆ միջազգային զարգացման և ԱՄՆ Արեգակնային էներգիայի միության համատեղ կազմակերպված մասնագետների փորձի փոխանակման և տեխնիկական ուսուցման շրջանակներում համաշխարհային համաժողովի աշխատանքներին՝ ԱՄՆ, Վաշինգտոն,
ՀՀ էներգախնայողության և վերականգնվող էներգետիկայի ազգային ծրագրի մշակման գործընթացին,
«Կենտրոնական Էլեկտրացանց» ՊՓԲԸ-ի նյութական պատասխանատուի ինստիտուտի ներդրման աշխատանքներին,
«Էներգետիկայի գիտահետազոտական ինստիտուտ» ՓԲԸ-ում՝ բաշխիչ ցանցերում տեխնոլոգիական կորուստների հաշվարկային ալգորիթմերի ստեղծման և համապատասխան հաշվարկների մեթոդիկաների մշակման գործընթացին:
Մշակվել է ցանցի և նրա բեռնվածքի անհամաչափություններով պայմանավորված ցանցում էներգիայի տեխնիկական կորուստների հաշվարկի ալգորիթմը, որի հիման վրա ստեղծվել են համակարգչային ծրագրային համալիրներ: Վերջիններիս միջոցով իրականացվում են Հայաստանի 0.38 – 35 կՎ լարման բաշխիչ ցանցերում ամսական տեխնիկական և չափագիտական կորուստների հաշվարկներ և էներգիայի հաշվեկշռույթների մանրամասն հետազոտում՝ ըստ ցանցի հանգույցների և տեղամասերի (հատվածների): Ըստ հաշվեկշռույթների հետազոտման արդյունքների՝ բացահայտվում են բարձր կորուստներով ցանցերի տարրերը և մշակվում են կորուստների նվազեցմանն ուղղված տարատեսակ միջոցառումներ:
Կրթությունը.
1998 - 2001թթ. Ճարտարագետ – հետազոտող
ՀՊՃՀ Ասպիրանտական Դպրոց
1996 - 1998թթ. Ճարտարագիտության մագիստրոս
ՀՊՃՀ Ասպիրանտական Դպրոց
1991 - 1996թթ. Ինժեներ – էլեկտրամեխանիկ
Բարձրագույն, ՀՊՃՀ
Որակավորման դասընթացներ.
2001թ. -Energy Service Company (ESCO) Establishment and Basic Business
Trainer: M.Worzalla, Z.Melikian (Advanced Engineering Associates International Inc. Armenian Branch, Armenian Association of Energy Engineers), Երևան, ՀՀ
2001թ. - Solar Energy: The Power to Choose
Trainer: L. Sherwood, W. Beckman, J. Duffy (American Solar Energy Society)
Washington D.C., USA
1996թ. «Բարձրագույն մաթեմատիկա», դասախոս՝ տ.գ.դոկտոր, Վ.Սաֆարյան
1997թ. (ԷԳՀԻ, Երևան, ՀՀ)