<<Շենքերի էներգաարդյունավետ արդիականացմանն ուղղված ներդրումների ռիսկերի նվազեցում>>

ԿԿՀ-ՄԱԶԾ ծրագրի մեկնարկային աշխատաժողով

Ս.թ. օգոստոսի 31-ին Երևանի «Արմենիա Մարիոթ» հյուրանոցի Տիգրան Մեծ սրահում տեղի ունեցավ «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ԿԿՀ-ՄԱԶԾ ծրագրի մեկնարկային աշխատաժողովը: Համաձայն Կլիմայի կանաչ հիմնադրամի ընթացակարգերի՝ մեկնարկային աշխատաժողովը Ծրագրի պաշտոնական մեկնարկի բաղադրիչ է: Ծրագրային փաստաթուղթը ստորագրվել էր ՄԱԶԾ և ՀՀ բնապահպանության նախարարության միջև ս.թ. հուլիսի 7-ին: Աշխատաժողովի նպատակները.

1. Ներկայացնել ԿԿՀ Ծրագիրը, դրա նպատակները, գործողությունները և ակնկալվող արդյունքները համապատասխան շահագրգիռ կողմերին:

2. Խորհրդակցել տարբեր շահագրգիռ կողմերի հետ Ծրագրի ղեկավարման վերաբերյալ և փոխանակել տեղեկատվություն մարտահրավերների, քաղած դասերի և առաջընթացի վերաբերյալ:

Ուսումնասիրել սիներգիայի և համագործակցության հնարավորությունները: Աշխատաժողովին բացման խոսքով հանդես են եկել՝

• Արծվիկ Մինասյանը՝ ՀՀ բնապահպանության նախարար,
• Հայկ Հարությունյանը՝ ՀՀ ԷԵԲՊ նախարարի տեղակալ,
• Կամո Արեյանը՝ Երևանի փոխքաղաքապետ,
• Բրեդլի Բուզետտոն՝ Հայաստանում ՄԱԿ-ի մշտական համակարգող, ՄԱԶԾ մշտական ներկայացուցիչ,
• Ադրիանա Դինուն՝ ՄԱԶԾ քաղաքականության և ծրագրերի օժանդակության համար գլոբալ բնապահպանական ֆինանսական բյուրոյի գործադիր համակարգող:

Իր բնույթով նորարարական և բարդ ծրագրի մշակման գործում մասնակցում էին նաև.

• Դիանա Հարությունյանը՝ ՄԱԶԾ Կլիմայի փոփոխության ծրագրերի համակարգող,
• Ռուբեն Եղոյանը՝ «Էներգետիկայի գիտահետազոտական ինստիտուտ» ՓԲԸ-ի գլխավոր տնօրեն,
• Վահան Սարգսյանը՝ «Էներգետիկայի գիտահետազոտական ինստիտուտ» ՓԲԸ-ի ԷՌԿ տնօրեն,
• Անահիտ Սիմոնյանը՝ ՄԱԿ-ի Հայաստանյան գրասենյակում UNIDO- ի գործերի ղեկավարը, ,
• Արմեն Մելկիկյանը՝ Հայաստանի վերականգնվող էներգետիկայի և էներգախնայողության հիմնադրամի /R2E2/ տնօրեն, և այլոք:

ԿԿՀ կողմից ֆինանսավորվող և ՄԱԿ-ի զարգացման ծրագրի կողմից իրականացվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագիրը միտված է նպաստելու ջերմոցային գազերի արտանետումների նվազեցմանը Հայաստանում գոյություն ունեցող շենքերի ֆոնդից: Նախատեսվում է ապահովել մոտ 50-60 տոկոս էներգախնայողություն շենքերի ջերմային մեկուսացման միջոցով: Ծրագիրը Կլիմայի կանաչ հիմնադրամի կողմից աշխարհում ֆինանսավորված 10-րդն է, իսկ եվրասիական տարածաշրջանում՝ առաջինը: Վեց տարվա տևողությամբ այս ծրագրի համար Կանաչ կլիմայի հիմնադրամը տրամադրել է 20 մլն դոլար դրամաշնորհային միջոցներ: Վերոնշյալ ծրագրի մասին այլ հրապարակումները կարող եք կարդալ այստեղ.

• http://www.mnp.am/?aid=7135
• https://goo.gl/w1xrn9
• ՄԱԶԾ-ԿԿՀ ծրագրային փաստաթուղթ` https://goo.gl/pyUEgk